敏妮 Talk：把握投資機會

[size=4]有危就有機，雖然講起上嚟幾「不仁」，但錯失沙士、 911、金融海嘯等入市時機嘅人，今次日本地震兼核輻射危機，可能提供咗一個入市機會。不過，身處其中，即使有咁嘅諗法，都會卻步，「都唔知見底未，仲會唔會再跌？」又或者會話「都未準備好，未夠錢入市噃！」朋友當中，就以魏力最正面、最積極，佢即刻檢視自己個強積金 portfolio，仲將四成強積金轉咗去日股基金，話以行動支持日本。魏力雖然係熱血青年，但都未至於要以自己嘅退休金，盲目支持日本，亦唔覺得佢係嗰隻非理性博反彈嘅投機者，最起碼佢噚日冇去搶鹽搶米搶碘片。

[b][color=orange]博巨龍起飛　更勝火鳳凰重生[/color][/b] [/size]
[size=4][/size]
[size=4]選擇將強積金轉投日本區域，因為佢相信日本他日如果好似火鳳凰咁，浴火重生，咁退休金將會收穫甚豐。根據上次阪神地震，災後重建用咗約 10年時間，至於今次日本大地震，災情更嚴重，相信重建亦以 10年時間計。強積金計劃係長線投資，加上魏力起碼幾十年後先攞得返啲強積金，所以押注日本亦都有道理。不過，問過一位炒日股十幾年嘅前輩，佢就話博日本災後經濟復蘇，不如博正在起飛嘅中國，經濟再上一層樓。前輩解釋，中國雖然有部份人已經富起來，但中國人口眾多，喺山區內陸嘅人仍然貧窮，至於日本雖然遭逢巨變，但日本人比起中國人均財富仍然多，「你知唔知人最怕乜？我話你聽，人最怕就係窮，窮你就肯去博。」日本經濟衰退多年，前輩話，佢都見過唔少客入市博日本經濟反彈，但坐足咁多年都未見起色，就係因為欠缺拼博精神。寧買當頭起，強積金佢睇好中國區域。[/size]